Davao City – Andam nga mutabang ang Department of Social Welfare and Development (DSWD) sa Department of Health (DOH) sa ginapahigayon nga stress debriefing alang sa mga nabiktima sa linog sa pipila ka areas sa Mindanao.
Sa interbyu sa DXDC RMN Davao kang Erna Sampiano, DSWD XI disaster response chief, gibutyag niini nga adunay mga trained social workers ang andam nga mutabang sa DOH kung ilang gikinahanglan.
“Actually we are also planning to conduct stress debriefing pero on top of this is DOH pero mag coordinate gihapon mi sa ilaha kay kami trained pud mi sa stress debriefing,” tataw ni Sampiano.
Sumala ni Sampiano nga importante ang pagpahigayon sa maong aktibidad aron nga mawala ang trauma o dili maayong kasanitian sa mga biktima human sa sunod-sunod nga pagtay-og.
Gisugdan na usab sa Cotabato karong adlawa ang stress debriefing sa mga biktima sa linog partikular na sa Makilala, North Cotabato sa pagpaguna sa mga psychologist ug mga social workers.
RadyoMaN Kirby Manzon
