Quarantine status sang Barangay Minoyan, Murcia ginpanubo na sa MGCQ

12

Gin downgrade na sa Modified General Community Quarantine (MGCQ) ang quarantine status sa Brgy. Minoyan, Murcia matapos nag-negatibo na sa swab test ang pila ka mga naka-close contact sang driver sang Provincial Disaster Risk Reduction and Management Office (PDRRMO) nga nagpositibo sa coronavirus.

Sa interview snag DYHB kay Murcia Mayor Gerry Rojas, gin-confirm sini nga nagpaguwa na siya sang Executive Order nga nagabatak sang ginapatuman nga Enhanced Community Quarantine sa Brgy. Minoyan kag gin-downgrade na ini sa MGCQ. Apang suno sa alkalde, magapabilin sa Extreme ECQ ang Purok New Site sa nasambit nga barangay sa diin naga-istar ang drayber sang PDRMMO.


Suno kay Mayor Rojas, nagapabilin pa sa EECQ ang Purok New Site bangud wala pa nakaguwa ang resulta sang swab test sang asawa sang drayber, samtang ang ila duha ka kabataan kag hinablos nga upod nila sa ila balay ang negatibo man sa virus. Hulaton lang sang alkalde ang resulta sang swab test sang asawa sang drayber kag desisyunan sini ang pagbag-o sang quarantine status sang Purok New Site.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments