Davao City – Giawhag ni Davao City Vice Mayor Bernard Al-Ag ang mga negosyante kinsa adunay reklamo sa konseho nga direktang muatubang kaniya.
Matud sa bise alkalde buot niya nga aksyunan gilayon kining alegasyon diha sa usa ka konsehal nga giingong nangilkil sa usa ka negosyante aron lang matagaan kini’g permit.
“Ang akoang commitment kung naa may reklamo akoang i-expose dayon sa publiko para clear ta. We don’t want nga anaa tay ginatago nga impormasyon. I want this council to be a transparent council and a council that is fair,” matud ni Al-ag.
Matud ni Al-ag base sa ilang gihimong inbestigasyon adunay lima kabuok aplikante para sa quarry permits nga pending karon sa komitiba ni Councilor Rene Elias Lopez.
“I gave him ( Councilor Lopez) the benefit of the doubt, wala man ko musulti nga siya tong gireklamo but I want him to answer this allegations and I want him to educate the public kung nganong anaa sa iyaha ang mga permits ug unsa ang mga status nganong naa pa diha or nganong dugay na para maklaro ang isyu,” segun ni Al-ag.
Atol sa Pulong Pulong ni Pulong niatubang si Committee on Housing, Rural and Urban Development Chairperson Rene Elias Lopez sa media ug iyang gilimod nga nagpa-suborno siya sa quarry project sa usa ka negosyante.
RadyoMaN Aimee Guinita
