Davao City – Nibyahe na karong adlawa padulong sa Manila ang 2nd batch sa mga kanhi sakop sa New People’s Army sakay sa duha ka Philippine Air Force C-130 aircrafts didto sa Francisco Bangoy International Airport.
Ang 241 ka mga kanhi rebelde sagad mga taga-Compostela Valley Province, Davao del Norte kinsa gikatakdang manihapon uban si Presidente Rodrigo Duterte sa Malacañang.
Ipahigayon ugmang adlawa Miyerkules didto sa Camp Aguinaldo ang usa ka welcome ceremony diin panguluhan kini ni AFP Chief of Staff General Rey Leonardo Guerrero.
Sumala sa Eastern Mindanao Command, katuyuan sa maong aktibidad nga maimprobar ang kinabuhi sa mga surrenderees partikular na sa peace building ug nasyunalismo.
Parte ang nagpadayong aktibidad sa pagpahibalik sa mga kanhi rebelde sa sosyedad.
RadyoMaN Aimee Guinita
