Queen Tuna Park bawal nang kaliguan

19

General Santos City—Gibutyag ni South Barangay Kapitan Rock Garay nga nagpadayon karon ang ilang pagpahibalo ngadto sa katawhan sa syudad nga wala na nila gitugutan nga may musulod o mangaligo sa Queen Tuna Park o na naila sa tawag nga Lion’s Beach.

Kini gumikan na usab sa taas nga level sa coli form barcteria kansa makadaot matud pa sa panglawas sa tawo.


Aminado hinuon si kapitan Garay nga luyo paman sa ilang pahimangno, daghan pa gihapon ang nagapaligo sa maong lugar.

Kini tungod wala pa nila nabutangan ug signboard ang lugar isip pahimangno nga bawal na kini kaliguan. Apan nagsaad ang kapitan nga karong bulana, ilang mabutangan ug signboard.

Nasayran nga bulan sa Enero sa tuig 2020 gikatakdang pormal nga sarad-an sa Publiko ang Queen Tuna Park apan sumala ni Kapitan Garay posibleng dili na kini makaabot ug Enero sanglit karong bulana ila na kining isara ngadto sa publiko.
(Photo From Web)

Facebook Comments

From Advertisers