General Santos City–Malampusong nasikop sa hiniusang pwersa sa Tantangan MPS sa pagpanguna ni Deputy Station Commander Ricky Delicana, kauban ang mga personahe sa 1205th Maneuver Company, RMFB 12 nga gipangunahan ni Police Captain Anthony Lemuel Merle ang tulo ka mga indibidwal nga silang Rita Lacubtan, Juvy Lacubtan, mga hamtong ang pangidaron nga nanimuyo sa Purok Kaunlaran. Brgy.Bukay Pait Tantangan South Cotabtao ug si Jason Bernal, hamtong ang pangidaron residente usab sa purok upper Maligaya, Poblacion sa nasampit nga munisipyo.
Nasayran nga alas 3:00 sa hapon dihang nagpahigayon ug anti-illegal gambling operation ang otoridad sa Purok Mabuhay, Brgy. New Iloilo sa maong munisipyo naaktuhan nila kining tulo nga nag-operate ug dropping ball o ginatawag nga pandula hinungdan nga walay duha-duhang gisikop ang mga nasampit gumikan kay hugot kining ginabawal sa balaod.
Atol sa pagkasikop sa mga suspek nakuha sa ilang possession ang mga illegal gambling paraphernaliaās ingon man ang cash nga kwarta nga nagkantidad ug 2,455 pesos.
Sa kasamtangan pabiling nagtingkagol sa selda sa Tantangan PNP ang mga dinakpan samtang gihikay na sa kapulisan ang kasong ipasaka batok kanila. (Reynald Timario)
