Quema

12

Dos quema el ya sosede este tarde donde el primero na Narrative Drive na Tugbungan y na Delosreyes Drive, na Tumaga.
Na Tugbungan pasada ala una del tarde derepente ya lang ya are el un casa que ta ocopa si Jayvee Congreso.
Ya puede entabla pa afuera si Congreso mientras ta arde el casa para salva su vida.
Uput el casa pero el fuego nohay mas man calayat.
Alas 5 del tarde ya arde tambien el quarter y shop de tricycle ta dweña si Aida Wong na Delosreyes Drive, Tumaga.
Asegun na investigacion ya puede pa mira maga ocopante del lugar ta man saguirit el coriente na poste serca na techo del quarter y dayun ya arde.
Llejero lambe el fuego na quarter porcausa nipa solamente el techo.
Nohay cosa ya puede salva el maga ocopante quien todo maga tricycle driver Di Wong.
Sinco el afectao na quema.

Facebook Comments

From Advertisers