Davao City – Kasong large scale estafa ug syndicated estafa ang gipasang-at sa Tagum Pnp ngadto sa prosekyutor karong hapon batok sa mga tagdumala sa Questlink Digital Marketing Services.
Sa interbyu sa RMN Davao kang Tagum PNP spokesperson Police Capt. Anjanette Tirador nga kasuhan mao ang CEO sa nasangpit nga investment scheme nga sila Kenneth Nagas ug Operations Manager nga si Rojie Sabando.
Ang duha maoy gitudlong nisibat sa P200 Million nga kwarta gikan sa mga investors.
Sumala ni Tirador nga nagsilbing complainant ang coordinator sa Questlink nga si Christian Estabes.
“Siya ang amoang gihimong main complainant at the same time witness kay siya man ang nakaila sa personality sa mga involved. Wala pa man gyuy mga investors nga nagpasaka sa ilahang complaints, bahala’g to follow nalang usa to ang ilaha ang amoa gi-file namo ang case,” matud ni Tirador.
Sa pikas bahin, anaa sa 100 ka mga investors ang nagpatala usab sa Tagum PNP aron i-report ang mga indibidwal nga sila Ryan Maunes ug Alyas RL nga giingong CEO sa sa Titan 29.
Matud ni Tirador nga sagad sa mga sumbong kanila wala matud pa makadawat sa ilahang mga pay-outs ang mga nidangop nga mga investors.
“We are trying to coordinate, we are trying nga ingnan sila to file a complaint but walay nag-exert og effort purely record lang lahat siguro they are hoping na mabalik pa iyong capital lang,” matud ni Tirador.
RadyoMaN Aimee Guinita
