Quiboloy: Cyberlibel complaint ni Pacquiao ‘pamulitika’

40

Davao City – Mituo ang kampo ni Kingdom of Jesus Christ (KJC) Pastor Apollo Quiboloy nga usa ka pamulitika ang lakang ni Senador Manny Pacquiao sa pagpasaka og kaso batok kaniya sa Makati Prosecutor’s Office labot sa alegasyong kurapsyon.

Sa press statement sa Legal Council sa religious leader, gikonsidera niini nga pamulitika ang pagpasaka og kaso ni Pacquiao labi na nga hapit na ang 2022 National Elections.


“The complaint of Senator Manny Pacquiao may be considered as retaliatory and a political move on his part considering that the election is coming and we shall do all within our power to ensure that this complaint will not curtail what is constitutionally protected speech and expression,” tipik sa press statement.

Giluwatan usab sa kampo ni Ptr. Quiboloy nga adunay katungod ang usa ka ‘citizen’ nga musayod, madungog ug bisan mag kumento sa aksyon sa usa ka politiko sama ni Pacquiao.

Dapat usab nga abri ang senador sa mga kritisismo aron ma-evaluate usab niini ang iyang kaugalingon o ang iyang ‘performance’ isip usa ka public official.

“Pastor Quiboloy merely exercised that right in properly respectful terms. In fact, he never made any accusation against the good Senator, but only floated a question regarding that matter on behalf of the people who wanted answers,” tipik sa press statement.



Sa pagkakaron, ginapaabot na lamang ni Ptr. Quiboloy ang kopya sa cyberlibel complaint diin misulti kining andam niyang atubangon ug tubagon ang maong akusasyon.

Una niini, nag-file ang senador og P100M Libel ug Cyber Libel Case batok sa religious leader tungod sa alegasyong kurapsyon sa proyekto niini sa Sarangani.


RadyoMaN Kirby Manzon

Facebook Comments