Davao City- Muarangkada na karong adlawa ang COVID-19 vaccination sa healthcare workers gamit ang Sinovac sa Southern Philippines Medical Center.
Sa interbyu sa RMN Davao kang Southern Philippines Medical Center OIC Dr. Ricardo Audan, dili compulsory o pugson ang healthcare workers kung dili sila mudawat sa Sinovac vaccine.
Matud ni Audan, adunay quick substitution kung dili man mudayon ang naka-schedule nga bakunahan karong adlawa.
“It’s their choice to choose the vaccine. Katong gusto na o eager na nga mu-go, wala may pugsanay,” sumala ni Audan.
Matud ni Audan, 100-150 ka healthcare workers ang naka-schedule sa unang batch sa vaccination.
Gikumpirma niini nga 4,000 ka SPMC workers ang magpabakuna.
Giawhag niini ang publiko nga dili magduha-duha kung mamahimo magpabakuna na tungod kini lang ang pamaagi aron maproteksyunan ang kaugalingon kontra COVID-19.
Matud ni Audan, confident ug nagsalig siya sa efficacy ug safety sa bisan unsang mga bakunang adunay Emergency Use Authorization tungod niagi kini’g mga clinical trials.
RadyoMaN Aimee Guinita
