Gitahod ni Mandaue City Mayor Luigi Quisumbing ang desisyon sa iyang apohan nga si Norberto Quisumbing Jr. nga adto musuporta sa kaatbang nga si Kongresista Jonas Cortes.
Sa iyang statement gipasalamatan sa mayor ang iyang apohan sa mga natabang ngadto kaniya ug sa iyang pamilya .
Gipasabot ni Quisumbing nga isip amahan sa dakbayan sa Mandaue aduna siyay tulobagon sa pagprotektar ug pagpreserbar sa kaayuhan sa syudad .
Iyang giangkon nga ang pagpasira sa negosyo sa iyang paryente lisod nga desisyon alang kaniya apan namugna pinaagi sa konsultasyon sa lain-laing departamento sa kagamhanan sa syudad apil na ang kapolisan ug Philippine Drug Enforcement Agency (PDEA).
Gihulagway usab ni Quisumbing nga ang pagpagawas sa statement sa iyang apohan , gituyo aron pagkontrolar sa danyos sa isyu sa kurapsyon ug plunder batok sa kaatbang nga si Cortes .
Gitugyan ni Quisumbing ngadto sa taga Mandaue ang paghukom karong eleksiyon kung si kinsa alang kanila angayang moduma sa Mandaue ug naglaum nga maalim ang kasungian sa ilang pamilya sa saktong panahon.
Una niini gihangop ni Cortes ang pagsuporta ni Norberto Quisumbing Jr. sa iyang kandidatura.
