R1AA Meet iti Ilocos Norte, Naitantan gapu ti Kamuras!

RMN Laoag – Naiyalud-od ti Region 1 Athletic Association (R1AA) meet iti Ilocos Norte gapu pay laeng ti sakit a kamuras.

Segun iti DepEd Region 1, adda dagiti suspected cases ti kamuras iti kabangibang a probinsiya a naapektaran nangnangruna kadagiti atleta a makipaset iti nasao nga ayayam.

Gapu kadaytoy naiyalud-od manipud March 3-8, nagbalinen a March 6 agingga 11. Naisayangkat met itay bigat ti ‘simultaneous vaccination’ kadagiti atleta pakairamanan kadagiti coachesda iti intero a rehiyon.


Ditoy Ilocos Norte, awan ti nairecord nga atleta nga agsagsagaba ti nasao a sakit. Naalarma met ti Gobierno kangrunaan kenni Gobernador Imee Marcos, ket binilinna iti provincial health office a mangkita kadagiti atleta ti probinsya iti salun-atda.

Iti daytoy a tawen, ti Ilocos Norte ti host ti R1AA ket nakasaganan iti departamento ti salun-at ken kapulisan tapnu mangsaluad kadagiti partisepante ken umili.

Saan met impalgak ti DepEd nu sadino a lugar malaksid ti Ilocos Norte ti naapektaran ti kamuras.

Bernard Ver, RMN

Facebook Comments