Davao City – Gitutukan karon sa Davao City Veterinarian’s Office ang pagsaulog sa Rabies Awareness Month karong bulana, March 2019.
Gibutyag ni Dr. Gay Pallar, Davao City Veterinarians Officer atol sa Kapehan sa Dabaw kagahapon, Marso 4, 2019 nga ilang ginapakusgan ang pag-implementa sa pagpakita og permit ug vaccination card usa makasulod ang mga iro sa dakbayan aron makontrola ang pagkalat sa rabies.
Matud ni Dr. Pallar nga dili pwedeng madalion ang pagsulbad sa rabies tungod kay daghan ug dako ang sakop sa dakbayan busa gina-awhag niya ang ang mga nanag-iya og mga iro nga mamahimong responsable.
“Not so alarming ang rabies diri sa Davao pero dili na nato paabuton nga mamahimo kining mas alarming,” ingon ni Dr. Pallar.
Dugang sa doktora nga positibo sila sa ilang target nga mamahimong Rabies free ang Dabaw kun ang tibuok Pilipinas pagabot sa tuig 2030.
Aileen Sampang, HCDC MassCom Intern
