Nagapadayon ang ginapatigayon nga rabies vaccination sang Provincial Veterinary Office (PVet) sang South Cotabato sa mga kabanwahanan dire sa probinsya.
Sa subong suno kay Provincial Veternarian Dra. Flora Bigot, yara ang team nila sa mga banwa sang Polomolok, Tupi kag Tboli agud nga magpatigayon sang rabies vaccination.
Ginkumpirmar niya man nga halin Enero tubtob Mayo subong nga tuig duha na ang napatay tungod sa rabies nga halin sa Barangay Assumption sang Koronadal City kag Brgy. Maan sang Tboli.
Ginpahayag ni Dra. Bigot nga bisan mabudlay tinguhaan nila nga malab-ot ang mga sitio sa probinsya para sa rabies vaccination matapos nga ang duha ka kaso ang halin sa mga malagyo nga lugar.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
