Nag-umpisa na sang Enero 9 subong nga tuig ang rabies vaccination sang Provincial Veterinary Office sang South Cotabato nga sa subong yara sila sa banwa sang Norala kag magasunod naman ang banwa sang Sto. Niño.
Suno kay Dra. Flora Bigot, Oic Provincial Veterinarian sang South Cotabato nga agud nga tanan nga ido ang mabakunahan ginapatuman nila ang house to house nga approach sa ginapatigayon nga rabies vaccination sa subong.
Ginhatagan punto ni Dra. Bigot nga dapat sabay-sabay kuntani ang rabies vaccination nila sa mga kabaranggayan dire sa probinsya ugaling lang kulang sila sa manpower.
Apela naman ni Dra. Bigot sa mga pet owners dire sa probinsya nga higtan ang ila nga ido agud nga kon maglibot ang ila nga vaccinator ang indi na kinahanglan pa nga maglagas kag isubmitir gid sa rabies vaccination ang ido agud nga proteksyon man ang ila nga pamilya.
Gin-ako man ni Dra. Bigot sa subong wala pa sang pet owners sa probinsya nga napinaltihan tungod sa wala pagpabakuna sang ila nga nahuptan nga ido.
