Radio-based instruction epektibo sa pagtuon sa kabataan

34

Davao City – Gisiguro sa Department of Education (DepEd-XI) nga maabot gihapon sa edukasyon ang mga estudyante nga nagpuyo sa mga probinsya o mga lagyong lugar sa rehiyon tungod sa blended learning gumikan sa gi-atubang nga Coronavirus Disease 2019 (COVID-19) pandemic.

Atul sa One Davao on COVID-19 Virtual Presser, gibutyag ni Dr. Jinky Firman, Assistant Schools Division Superintendent sa DepEd-Davao, ang edukasyon pinaagi sa radyo kun radio-based instruction ang pinaka epektibong pamaagi nga dili maundang ang pagtuon sa kabataan nga nagpuyo sa suok nga mga lugar.


“Naa ‘tay supplemental learning modality, mao na atoang radio-based instruction. Mao na siyay maka abot sa maski asang lugar nga lisod abton kung wala silay internet connection, wala silay television,” saysay ni Firman.

Gibutyag ni Firman nga bisan kadtong walay transistor radio, adunay proyekto nga gitawag nga ‘TrumpaAralan’ diin pinaagi sa trumpa, mamahimong ma-play ug mabalik-balik ang recorded nga leksyon alang sa mga kabataan.

Nasayran nga usa ang DXDC 621 RMN Davao sa dagkong media entities nga nagabroadcast sa supplemental module sa DepEd-XI aron maka abot ang edukasyon sa mga lagyong probinsya sa rehiyon.

RadyoMaN Kirby Manzon




Facebook Comments