2 SAP beneficiaries sikop sa buy bust

Davao City – Wala kaikyas ang duha ka benepisyaryo sa Social Amelioration Program (SAP) sa kamot sa Sta. Ana PNP human napalitan sa usa ka sachet nga shabu atol sa buy-bust operation.

Subay sa report sa Sta. Ana Police Station, naila ang duha nga sila Kim Necesario, 27 anyos, laborer ug Romualdo Amit, alias “Pisot”, 24 anyos, parehong residente sa Brgy. Centro, Agdao syudad sa Davao.

Narekober sa kapolisan gikan sa duha ang laing tulo ka pakete nga shabu nga dunay estimated street value P2,000, usa ka cellphone ug mga illegal drugs paraphernalia.


Ang duha ka dinakpan gikonsiderang street level target subay sa imbestigasyon ug ang source sa ilang shabu gikan sa usa ka “Dimples”.

Kasong kalapasan sa RA 9165 (Comprehensive Dangerous Drugs Act of 2002) ang ipasaka sa duha ka dinakpan.

RadyoMaN Don Pulayao

Facebook Comments