Radyo Saya sa dxCC-RMN ug I FM, gikalipay sa mga taga Barangay Lapasan

24

Gikalipay sa mga residente sa Barangay Lapasan ang gihimong Radyo Saya sa dxCC-RMN ug I FM Cagayan de Oro niadtong Sabado.

Alas 10 pa lamang sa buntag nakasalmot na sa lain-laing dula ang mga residente ug nakadawat sa mga pa premyo.

Sa ala una sa hapon, gihimo gilayon ang I FM Kanta Tour diin nagpakitang gilas sa pagkanta ang mga nisalmot.

Pagka alas dos sa hapon gisunod ang dulang Kwarta o Ashigo diin ubay-ubay usab ang nisulay sa pagkuha sa jackpot prize nga 30-mil pesos ug e-bike.

Sa alas tres sa hapon gisunod ang dance contest diin nagpakitang gilas sa pagsayaw ang mga partisipante gikan sa syudad sa Cagayan de Oro ug lalawigan sa Bukidnon.

Sa maong adlaw, napakita usab sa mga taga I FM ug dxCC-RMN ang ilang talento sa pagkanta sama nila Inday Monai ug RadyoMaN Mishelle Mesias-Enloran nga dugay na usab nailang maayong singer.

Facebook Comments