Raid na Curuan

Maga pulis del Divisoria Police Station junto con el Mobile Force Company ya sirvi search warrant na un casa na Sitio Sto. Nino, Gasang Curuan.
Durante el sirvida del search warrant el maga pulis ya recobri un 9mm pistola con 5 maga bala desde na casa di Fernando Rosal y Masering, 54 anio de edad un siembrador del mencionao lugar.
El search warrant yan issued el RTC branch 13.
El raid ya conduci con el propio coordinacion con el Curuan Police Station alas 6:50 del noche del Biernes.
Asegun con el pulis durante el investigacion, si Rosal nohay puede presente papeles del pusil si porque dayun conele ya aresta el maga pulis y ya lleva na estacion del Divisoria donde conele ya detene.
El maga pulis esperanzao ay man inquest na fiscalia con Rosal para el inquest proceeding na caso del illegal possession of firearm and ammunition.