TACLOBAN CITY – Lima ka adlaw nga aanhi ha syudad han Tacloban an usa nga Iconic ngan Environmental campaign nga barko nga Greenpeace Rainbow Warrior kaparte han ira 20-day “Balangaw: The climate justice ship tour ha Pilipinas.
Sumala kan Amalie Obusan, Country Director han Greenpeace Southeast Asia-Philippines, panuyuan han Rainbow warrior ship ha pagbisita hini ha syudad nga ginlasurbo han pinaka makusog nga bagyo an mabatian an mga istorya han mga Yolanda survivors ngan an pagpasamwak han plataporma han rainbow warrior ha bug-os nga Eastern Visayas nga pugngan an climate change pinaagi ha pagsukot ha mga tinuod nga may responsibilidad han mao nga problema.
Sumala naman kan Joana Sustento, usa nga yolanda survivor ngan International Climate Justice Champion, usa nga dream come true an pagbisita han rainbow warrior ship ha Tacloban kumo ini in magiging tulay agud mabatian an mga istorya han pagtindog han mga survivors ngan agud ipabati ini ha bug-os nga kalibutan.
Gin-aaghat han warrior ship an mga Taclobanon nga magparegister ngan bumisita ha port han Tacloban kun diin namumutang an barko ha tikaarabot nga Marso 3 ngan 4 agud maeksperyensyahan an rainbow warrior ship.
