Ang inyong mga DJs sa iFM Cebu aduna poy pipila ka mga event nga e host karong Sinulog!
Sa opening salvo activities pa lang daan, ang inyong DJ Maikee Gol maoy isa sa mga mi-host sa Grand Kick Off (Jan 12). Apil pud sa Sinulog Sa Kabataan sa Lalawigan (Ja 13) ug sa Sinulog Sa Barangay (Jan 14) nga puro gipahigayon sa Cebu City Sports Center.
Niadto pong Jan 18, si DJ Ali Matok ang inyong event host kauban ang talent gikan sa Mugstoria alang sa usa ka kalihokan sa may Plaza Independencia. Hugyaw kaayo ang maong event labi na nga naay mga local artists samang Snake Princess ug Medyo Maldito.
Pag-biyernes pud sa gabii, Jan 19, ang inyong DJ Boy Kirat maoy mibukas sa mga kalingawan ug cooking competition sa pinakasikat nga barbecue-han sa Sugbo nga mao ang Larsian. Ug sa susanang adlaw, ang inyong DJ Boss Luwag milangaw pud pinaagi sa iyang mixing skills sa Hype 3.0 nga club sa may Mango. Naa pud si Boss didto niadtong Sabado sa gabii, Jan 20.
Sa Jan 20 si Boy Ki pud ang official host sa Miss Sinulog 2018 sa Elizabeth Mall o EMall. Ug sa event pud sa maong mall inig ka Jan 21 kun diin naay mga local talents samang Akiko Solon, Dodoy ug ang pinakasikat tungod sa iyang mga hugot, Medyo Maldito! Kita kitz mong Boy Ki didto.
Ug karong adlawa, Jan 21, bonggang bongga kaayo ang beauty ni DJ Maikee Gol tungod anaa siya sa may Sinulog Grand Stand – Cebu City Sports Center. Laysho!!! Adto baya mo mga idol ha.
Sa mga moadto karong adlawa, comment niya mo ha kung unsa ka gwapa ug maayo inyong DJ Maikee. Paki-piktyur unya niya og e post lang dinhi inyong photos.
Happy fiesta mga idol! Viva Pit Señor!!!
