Davao City – Padayon pa nga ginatun-an sa Davao City Police Office kung pasakahan ba og kaso ang mga responsable sa nahitabong pagpanunog sa effigy ni President Rodrigo Duterte atol sa gilusad nga lihok protesta nga gitambungan sa nagkadaiyang labor sector kagahapon sa Freedom Park Roxas Avenue siyudad sa Davao.
Sumala ni DCPO spokesperson Police Sr. Inspector Maria Terisita Plaza Gaspan nga ila pang ginareview ang CTTV ug ilang sutaon kung unsa pa nga mga posibleng kalapasan ang gihimo sa mga rayilista.
Gidugang ni Gaspan nga ilang paningkamotan nga mapadali ang pag-inbestiga sa maong panghitabo ug kung mapamatud-an man nga duna kini kalapasan posible kining mapasakahan og kaso gawas sa kalapasan sa Clear Air Act sa syudad.
RadyoMaN Don Pulayao
