Davao City- Naglusad og usa ka rally kaganina ang militanteng grupo sa pagpanguna sa Kilusang Mayo Uno (KMU), TRANSMISSION Piston ug Kabataang Makabayan, sa Tower Clock, San Pedro Street, syudad sa Davao.
Padayon nilang panawagan nga undangon na ang Martial Law ug ang dili nila pag-uyon nga did-an ang militanteng grupo sa pagpahigayon og mga protesta sa mga publikong lugar sama nalang sa Panacan area.
Kahinumduman nga gihisgutan kaniadtong adlawng Martes sa Davao City Council Regular session ang pagmugma og lokal nga ordinansa nga mu-ban sa bisan unsang matang sa protesta gawas sa “Panacañang”.
Inay muadto sa Panacan, sumala ni City Councilor Mabel Sunga Acosta, chairperson of the committee on public safety nga himuon nalang ang mga lihok protesta sa Davao Freedom Park sa Roxas Avenue aron dili makaresulta og traffic sa maong area.
Kini subay sa request sa Presidential Security Group (PSG) pinaagi sa usa ka letter nga gibasa ni Councilor Bernard Al-ag atol sa session.
Gani dugang sa maong request mao ang i-ban usab ang areas atbang sa Department of Public Works and Highways (DPWH), crossing Panacan padulong sa tulay duol sa buhatan sa Eastern Mindanao Command.
RadyoMaN Renz Barbarona
