Ginakasubo niya suno kay Governor Daisy Avance Fuentes ang paggamit sang mga nag-organisa sa mga bata sa ginpatigayon nga rally kahapon nga adlaw dire sa syudad sang Koronadal partikular na sa atubangan sang Provincial Capitol.
Ginhatagan pa punto sang gobernadora nga ginaexploit sang grupo ang mga kabataan wala naman sang ihibalo sa isyu.
Kabutigan naman suno kay Governor Fuentes ang ginhaboy sa iya nga aligasyon sang mga raliyista partikular na sa isyu sang pagpasarado sang 33 suno pa ka lumad school.
Suno sa opisyal isa lang man ka eskwelahan ang yari dire sa probinsya nga nahamtang sa Barangay Lam-afus sa banwa sang Banga kag mismo sila man ang nagpasarado tungod ginainitan na sila sang mga pumuluyo.
Naham-ot man siya suno kay Governor Fuentes nga wala sang nakuha nga suporta sa katawhan sang South Cotabato ang mga raliyista.
