Tungod sa Temporary Restraining Order kun TRO nga nakuha sa kampo ni Cabadbaran City Mayor Katrina Marie Mortola sa Korte Suprema alang sa Recall Election sa pagka-mayor sa Cabadbaran City nga gitakda untang mahitabo sa Mayo 5.
Sa kasamtangang gihunong una sa Comelec ang tanang aktibidad may kalabutan na sa recall election hangtud nga dili maresolba sa Korte Suprema. Kini ang gibutyag ni Comelec Caraga Regional Director Atty. Francisco Pobe.
Giklaro sab sa opisyal nga apil nga ihunong sa karon ang himoong pagpangampanya sa grupo nila ni Judy Amante ug Mayor Kat Mortola. Madumduman nga unod sa maong notice sa Korte Suprema nga giisyu niadtong nakalabayng semana nga gitagaan ug lima ka adlaw ang mga petitioners sa pagkomento labot na sa TRO.
Apan sigun sa opisyal ugaling molapas sa Mayo 3 ug dili pa maresolba sa Korte Suprema ang maong hisgutanan posibleng mahulog nga dili gyud mahinayon ang eleksyon sa Mayo 5. Apan sumala pa sa opisyal nga sa impormasyon nga iyang nasayran nakasubmite na ug komento sa Korte Suprema ang petitioners.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
