RALLY | Mga progresibo nga grupo, nagpatigayon sang protesta kahapon nga adlaw kadungan sang SONA ni PRRD

Kadungan sang ikatlo nga SONA ni Presidente Rodrigo Roa Duterte kahapon nga adlaw, nagpatigayon sang kaugalingon sang rally ang pila ka mga grupo sa may bahin sang Roxas City Public Plaza.
Antes sini, naglibot anay ang grupo sa pila ka dalanon sa sentro sang syudad antes ang ginpatigayon nga simple nga programa sa bandstand kun sa diin ginpanawagan sang mga ini ang ila mga hibubun-ot sa subong nga administrasyon.
Kalakip diri amu ang pagbasura sang Cha-Cha,pagpauntat sang implementasyon sang Train Law samtang ginkondena man sang mga ini ang nagakatabo nga pag-abuso sa kinamatarong sang mga kababainhan, nagakatabo nga extra judicial killings(EJK) kag madamo nga iban pa.

Samtang sa bahin naman sang Roxas City PNP, ginsiling ni Police Supt. Dante Tayco nga may yara ini sang gindeploy nga mga katapo sang kapulisan sa lugar para nga magpaluntad sang kalinungan samtang nagapadayon ang protesta sang mga progresibo nga grupo.

Facebook Comments