Si kanhi Cebu City mayor Michael Rama ni-anunsyo pag-Biyernes nga adunay posibilidad nga magpapili siya isip bise-mayor o kongresman o basin mayor pa gani sa sunod tuig nga piniliay.
“I already made a statement a long time ago that I’m running in 2019. I can run for congressman or even vice mayor. I am also available to run for mayor,” matud pa ni Rama.
Suma pa ni Rama nga maskin og kadaghanan sa ilang miyembro kaalyado na sa Partido Demokratiko Pilipino–Lakas ng Bayan (PDP-Laban) ug siya nagpabilin lang sa United Nationalist Alliance, walay conflict nga nahitabo sa ilaha.
Dugang pa ni Rama nga suportado sa Barug Team Rama si Vice Mayor Edgardo Labella sa pagka-mayor kon ugaling si Mayor Tomas Osmeña masuspenso sa maskin unsang kaso nga iyang gi-atubang karon.
Sa dihang gipangayoan og komento si Mayor Tomas Osmeña, niingon siya: “He can run. I don’t care. This is a free country; the people should have a choice. Why will I stop him from running? That’s why we have elections.”, “Pwede siyang magpapili. Wa ko’y labot. Aduna tay freedom ug katungod sa pagbotar sa atong nasod; dapat adunay kapilian ang mga taw. Nganong ako man siyang pugngan sa pagdagan? Mao bitaw’ng aduna tay eleksyon.”
Nianunsyo pud si Osmeña nga magpapili sab siya pagka-Mayor gihapon sa umaabot nga piniliay sunod tuig ug final na ang iyang desisyon.
Pero sa adlaw nga wa pa siya mo-anunsyo nga modagan siya og balik karong 2019 isip usa ka Mayor gihapon, si Osmeña niingon nga adunay posibilidad nga iyang ituboy ang iyang asawa nga si Councilor Margot Osmeña, kinsa nagserbisyo karon sa iyang ikatulo nga straight term.
