General Santos City—Duha ang patay sa nahitabong rambol gawas sa Explore bar nga nahimutang sa Bula-Lagao Road alas 2:00 ang takna kaganinang kabuntagon.
Mga biktima giilang si Jay Napalit, 22 anyos, driver ug residenti sa Barangay Bula ug John Vincent Lopez, nanimuyo ning syudad.
Subay sa saysay sa kaubanan sa mga biktima nga si Alias King, sila nag lingaw-lingaw sulod sa explore bar, pag gawas sa mga nasampit didto na gipangtripan ang iyang mga kaubanan.
Nahitabo pa ang sinumbagay tali sa duha ka mga biktima ug mga suspek sulod sa pipila ka minutos. Nidagan matud pa ang biktimang si Napalit padulong sa may dereksyon sa NFA apan siya gisundan sa suspek dayon gipusil igo sa iyang ulo nga hinungdan sa iyang hinanaling kamatayon.
Samtang gidunggab usab ang kaubanan niining si Lopez diin nakaangkon sab kini ug samad sa dughan. Gidala pa sa SOCKSARGEN Hospital ang biktimang si Lopez apan nakabsan gihapon kini sa iyang kinabuhi.
Padayon pa karon nga ang gihimong imbistigasyon sa kapulisan maong insidente, samtang padayon pang giila ang mga suspek kansa nakasibat.
