BACOLOD CITY – Patay ang lider sang POJA Drug Group sa ginatigayon nga hot pursuit operation sang otoridad pasado las-4:20 sini gid lamang nga hapon sa Purok Rosas Pandan, Sitio Sibucao, Barangay Banago, syudad sang Bacolod.
Ang hot pursuit operation ang ginpangunahan sang Bacolod City Intelligence Unit kag Special Weapons and Tactics – SWAT kag sa idalum sang supervision sang c City Director sang BCPO – PSSUPT. Francisco Ebreo.
Nahibalu-an nga nagpatigayon sang negosasyon ang kapulisan nga mag-surrender ang mga suspek nga yara sa sulod sang puluy-an ni Salvador Poja alyas “Manahan” sa Purok Rosas Pandan, Sitio Sibucao, Brgy. Banago.
Bangud nga wala naman nag-sungka ang mga suspek, didto na kag nagluntad ang pagbayluhahay sang lupok nga nagresulta sa pag-kamatay nanday:
1. Ramy Poja, number 1 most wanted person sang Police Station 3 kag gina-tudlo nga lider sang Poja Drug Group;
2. Roberto “Bobby” Lim, high value target;
Pilason naman sa amo nga engkwentro si Rusty Poja Constantino.
Samtang, nadakpan naman sanday Claudine Bindol, (girlfriend of Ramy Poja) kag Cyril Jarina.
Dismayado naman ang pila ka residente sang lugar sa operasyon sang kapulisan nga nag-resulta sa kamatayon ni Poja bangud nga gila gina-describe bilang isa ka mabunuligon kag maayo nga tawo.
