General Santos City–Magpadayon ang ginahimo nga random checkpoint sa Highway Patrol Group-12 sa tibuok Rehiyon-12. Tumong niini aron mabatukan ang kriminalidad sama sa carnapping ug uban pa. Sumala kang Police Col. Allan Ladra, Regional Chief sa Highway Patrol Group nga tanang sakyanan ang ilahang sutaon aron masigurong wala kini nakaalarma sa National Alarm System.
Sumala pa nga dili malikayan nga dunay mga sakyanan nga biktima sa rent-tangay ug uban pang modus. Dugang pamahayag ni Col. Ladra nga gawas sa maong mga regulasyon, buot usab nilang maseguro nga natuman ang R.A 4136 sama sa pagsul-ob ug helmet.
Lakip matud pa sa ilahang i-implementar mao ang pagbutang ug barrier sa mga single nga motorisklo ilalom sa bayanihan act. Nagahatag matud pa sila ug konsiderasyon sa mga magti-ayon apan kinahanglan nga magpakita ug pruweba. Tumong usab niini aron nga mabatukan ang mga riding in Tandem Criminal.(CDS)
