General Santos City— Gipaklaro ni Police Senior Superintendent Romeo Ruel Berango, acting City Director sa Gensan City Police Office nga parte sa anti-criminality campaign ang hugot nga siguridad nga usa ka regular nga aktibidad sa kapulisan.
Sumala niya nga kung basihan ang datus, miubos ang kaso sa riding in tandem sa dakbayan nga maoy ilahang ginatutukan kung asa epektibo matud pa ang mga random ug fix checkpoint nga ginahimo sa kapilusan ug joint task force Gensan.
Pamahayag ni Col. Berango nga ilahang ginasiguro nga mamahimong hapsay ug malinawon ang pagsaulog sa kapaskuhan ug pagpagsugat sa bag-ong tuig sa dakbayan.
Dugang pa ni Col. Berango nga lakip sa ilahang ginahimo sa karon mao ang security plan alang sa umaabot nga birthday ni Senator Manny Pacquiao karong umaabot nga Disyembre 17, adlaw’ng Dominggo kung asa nag-unang bisita mao si Presidente Rodrigo Duterte.
