General Santos City—Giransack sa wala pa mailhing mga suspek ang panimalay sa usa ka negusyante nga giilang si Eduardo Matillano, 50, residenti sa Phase 4, Doña Solidad, Barangay Labangal Gensan.
Subay sa tala sa buhatan sa Police Station 2 nasuta nga namatikdan nalang sa negusyante nga gitangtang ang ilang aircon kansa gituohang giagian sa suspek sa pagpangawat.
Wagtang ang mahalong relo sa biktima ug uban pang mga mahalong butang sulod sa iyang panimalay.
Sa karon ginasuta pa sa kapulisan kung si kinsa ang responsabli sa maong pagpangawat human nga wala gyud nakamatikod ang tigbalay atol sa pagsulod sa mga kawatan.
Facebook Comments
