Malaybalay City, Bukidnon – Gitumbok karon sa Philippine Health Insurance Corporation kon Philhealth ang mga rason sa pagpataas sa premium alang sa mga miyembro niini.
Sa interview sa RMN Malaybalay ngadto kang Romulo Lapuz Jr. ang chief sa Bukidnon Philhealth Service Office gibutyag ninii nga ang pinaka-unang hinungdan mao ang sustainability.
Pasabot niini nga dili usab pwede nga kanunay magtaas sa benepisyo apan mao lang gihapon ang premium.
Ikaduha matud ni Lapuz mao ang benepisyo alang sa mga senior citizens.
Gipasabot niya nga angayang masayran sa kadaghanan nga automatiko nang miyembro sa Philhealth ang tanang mag-edad ug 60 anyos kon mga senior citizens.
Ikatulo nga hinungdan mao ang pagpalapad sa Z benefits package nga naglangkob sa mga operasyon sama kidney transplant ug uban pa ug plano kini padak-on ug palapdan pa aron daghan ang mga matabangan.
Ug ang ika-upat ug pinaka-importante mao ang primary care benefits for non-indigent. Gipasabot ni Lapuz nga apil niini ang out patient benefit package sa mga indigent.
