kumpirma ni Antonio Resma sa Regulatory and Complaint Board kon RCB nga adunay mga bars ning syudad nga duol sa mga tunghaan.
Matud ni Resma, kini mao ang mga tindahan nga una pa sa area sa pagtukod sa mga tunghaan.
Dugang pa ni Resma, tungod niini, ilang giaghat karon ang mga tindahan nga dili tagaan sa ilimnong makahubog ang mga estudyante ilabi na ang mga minors pinaagi sa paghimo sa series of inspections.
Samtang upat ka mga minors ang na rescue sa Regulatory and Complaint Board kon RCB sa usa ka tindahan nga duol sa usa ka unibersidad sa Carmen naidtong Hulyo 29 ning tuiga.
Tungod niini, gibalikan sa pag-inspection sa RCB ang nasangpit nga tindahan aron susihon kung nagtuman naba sa balaod ang maong tindahan.
Hinoon nakatuman na ang maong tindahan sa balaod, apan pag-abot sa unahan, duha ka senior high school ang ilang na rescue nga nag-inum.
Tungod niini, gipahimangnoan karon sa RCB ang mga establisemento duol sa mga tunghaan nga dili mosupak sa mga balaod sama sa gidili ang pagpasulod sa mga minors ug paghatag sa ilimnong makahubog aron nga dili masira ang ilang negosyo.
