General Santos City– Dili kumbinsido si Police Chief Superintendent Marcelo Morales, Regional Director sa Police Regional Office 12 sa mga alegasyon nga dunay mga pagpananom ug ebidensyang ginahimo ang kapulisan.
Sumala niya nga hugot nga ginatuman sa kapulisan ang mandato kalabot sa operasyon batok illegal nga droga kung asa nasayud matud pa sila nga bug-at usab ang mamahimong silot sa mga pulis nga maghimo ug dili maayo.
Busa kanunay ang iyahang pahimangno sa tanang pulis sa rehiyon nga likayan gyud nga malapas ang mga probisyon sa pagpahigayon ug operasyon sa illegal nga droga.
Giangkon man usab ni Gen. Morales nga aduna pa gyu’y mga lugar sa rehiyon nga nagpabiling drug affected, apan iyahang gipasigarbo nga ubay-ubay na ang nadeklarang drug cleared sa PDEA 12.
Kung asa ilaha matud pang ginapaningkamutan ug ginapaninguha nga hingpit nga madeklarang drug cleared ang rehiyon 12 ilalom sa iyahang pagdumala.
Samtang iyahang gipaklaro nga sa karon, wala pa silay namonitor nga mga pulis nga lambigit sa illegal nga droga kung asa hugot ang ilahang ginahimo nga pagmonitor sa tanang pulis sa rehiyon.
