Magahiwat sang Regional Resilience Forum ang Regional Disaster Risk Reduction and Management Council ukon RDRRMC buwas nga adlaw diri sa Siyudad sang Iloilo.
Ini agud masabat ang mga problema sang nanuhay-tuhay nga mga kabanwahanan natuhoy sa mga kinahanglanon kon may magluntad nga kalamidad sa rehiyon.
Mangin dinapit nga manughambal sa nasambit nga forum si Defense Secretary Delfin Lorenzana.
Ang iban pa nga mga dinapit sa kahiwatan sanday Office of Civil Defense Administrator Ricardo Jalad, mga Local Chief Executives, Local DisasterRisk Reduction Management Officers, Planning Officers kag mga MLGOO sa bilog nga rehiyon 6.
Kadungan sang nasambit nga forum, pagahiwaton man ang turn-over sang Regional Evacuation sa barangay Gines, Zarraga, Iloilo sa pagpanguna sang RDRRMC.
