General Santos City— Giangkon ni Police Chief Superintendent Marcelo Morales nga daghan gyud ug mga lugar sa rehiyon nga kulang sa personahe sa kapulisan samtang ang uban ang nanghinobra.
Rason nga ilaha ng ginatun-an sa karon nga bawasan ang ubang mga city ug provincial headqaurters aron nga mabalanse ang pagbantay sa siguridad.
Kung mamahimo lang matud pa nga mag-request ug dugang pulis alang sa rehiyon 12, iyaha kining himuon apan dili lang matud pa sa rehiyon ang may problema sa ihap sa kapulisan busa sa karon i-maximize nalang una ang pwersa nga anaa sa kasamtangan.
Dugang pamahayag ni Gen. Morales nga bisan pa man ug muhangyo ang mga opisyal sa dakbayan nga dili na kuhaan ang pwersa sa kapulisan, makuhaan gyud ang mga personahe sa Gensan City Police Office ug ipangbutang sa ubang parte sa rehiyon.
Kini tungod kung basihan matud pa ang table of organization, anaa lang sa 500 ka mga pulis ang dapat anaa sa usa ka syudad sama sa dakbayan sa GenSan.
Pamahayag niya nga sa ingon aning sitwasyon, labing gikinahanglan ang tabang sa ubang law enforcement unit ug mga force multipliers.
