General Santos City–Wala na unta damha pa ni Brgy Punong Grande, Banga, South Cotasbato Kapitan Bobby Dilalamon nga magmadaugon pa sya sa nakalabayng eleksyon sa barangay nga gipahigayon niadtong Mayo 14.
Kini human nga naapil ang iyang gipangalan sa narcolist nga una nang gibulgar sa buhatan sa PDEA 12. Sumala ni Dilalamon nga iya nalang gitugyan sa katawhan sa ilang barangay ang desisyon sa eleksyon apan dako iyang pasalamat nga siya gihapon maoy gipili ug midaog sa piniliay.
Sa pagkakaron padayong gihingusgan ni Kapitaan Bobby Dilalamon nga walay kamatuoran ang alegasyong nalambigit kini sa iligal nga droga.
Sumala sa opisyal nga posibleng pagpangdaut kaniya ang nakuhang impormasyon sa PDEA 12 apan dili niini masiguro kung tungod ba sa pulitika o sa negosyo.
Aminado si Kapitan Dilalamon nga asinsado na gyud ang iyang kinabuhi karon apan dili kini tungod sa iligal nga droga kundili tungod sa iyang paningkamot sa legal nga pamaagi. (Jordan Britos)
