General Santos City–Nagpatabang sa Police Station 1 ang usa ka Melanie Lim, 43 anyos usa ka real estate agent ug nanimuyo sa Barangay City Heights ning syudad human nga nailad matud pa kini sa usa ka suspect nga nagpailang nagatrabaho isip forex trader sa ASI forex trading company niadtong milabay nga simana.
Sumala pa sa nahisgutang biktima nag-invest matud pa kini sa maong kompanya ug nagpadala ug kwarta pinaagi sa kwarta padala nga nagkantidad ug P95,000.00 bugti sa 30 porsyento nga balik sa ilahang capital sulod lang sa 25 ka adlaw.
Apan sa dihang iyahang gi-update ang iyahang gipadad-an ug kwarta nga sumala pa usa ka forex trader nag de-activate na kini sa facebook ug dili na niini ma-contact ang nahisgutang suspect.
Iyaha naman usab nakuha ang Fooatge sa CCTV camera sa kwarta padala nga iyahang gipadal-an ug nalocate ang transaksyon number niini.
Naglaum man usab ang biktima nga masikop sa kapulisan ang nahisgutang suspect.(Dave Silagan)
