Davao City – Gikinahanglan nga palawman pa gayud og maayo ang imbestigasyon diha sa giingong nahanaw kun na-missing nga mga kabatan-onan nga gisuspetsahang nisampa na sa youth militant organizations ug sa mga legal fronts sa kalihukang komunista.
Sa interbyu sa DXDC 621 RMN Davao kang Department of Education (DepEd-XI) Spokesperson Jenielito ‘Dodong’ Atillo, gibutyag niini nga angay muagi og due process ang yangungo sa mga ginikanang nawad-an og mga anak aron maugkat gayod ang kamatuoran.
“Everybody deserves due process of law and we just can’t conclude immediately kung unsa ba gyod ang sitwasyon niining kinatibuk-ang insidente. When we look into this, we have to look at all angles aron nga masuta kung unsay angayan nga aksyon kung ugaling adunay kamatuoran nga adunay mga organisasyon nga nagpaluyo sa recruitment but then importante kaayo nga kadtong elemento sa batakang balaud, very sacred nga gitawag nato nga due process matuman gayod,” segun ni Atillo.
Sumala ni Atillo, ang maong mga reklamo anaa sa hurisdiksyon karon sa Commission on Higher Education (CHEd) diin karon wala pa silay nadawat nga susamang nga reklamo.
Segun ni Atillo, hitsas sila nga muaksyon kung aduna may mga hingtungdan o ginikanan mga magpatabang kanila gumikan sa kabalaka nga kini sila pogosong gi-agni sa mga militant youth organizations nga walay igong katugutan or permiso gikan sa mga ginikanan.
Dugang ni Atillo nga personal niyang opinyon karon nga maki-angayon lamang ang sugyot ni Dela Rosa nga wagtangon ang scholarship grants sa mga estudyanteng nagalgalan aron mo-alkontra sa gobyerno.
RadyoMan Aimee Guinita
