Salug, ZDN-Hugtanon karong gihimakak sa Rebeldeng New People’s Army kun NPA ang gi alegar nga sila ang naghimo sa nahitabong pagsunog sa usa ka bus nga SSG Liner nga kung diin nagbyahe kini gikan sa lungsod sa Salug padulong sa lungsod sa Godod.
Kahinumduman niadtong miaging myerkules Enero 9, 2019 nagpakitabang ang drayber sa maong bus nga si Deonilo A. Bucan sa kapulisan sa Salug tungod kay gisunog ang iyang gimaneho nga bus sa 5 ka wala mailang armadong lalaki didto sa Brgy. Pucay, sakop sa lungsod sa Salug.
Sa gihimong imbistigasyon sa kapulisan sa Salug migawas nga mga rebeldeng NPA ang misunog kini human nagpailang sakop ang 5 ka indibidwal sa NPA sa dihang ilang gisunog ang bus 8:00PM sa miaging semana gamit ang gasolina.
Human sa pagsunog sa maong bus nagsinggit kini nga “Mga NPA kami! Gisunog namo kining sakyanan kay sigi ra pamasahero sulod nasa tulo ka tuig apan walay gihatag nga Tong!
Gibana-bana mo abot sa 420,000 ang nahimong damyos kapin kun kulang sa maong pagsunog sa bus.
Gibutyag ug gipaklaro karon sa tigpamaba sa National Democratic Front-Zamboanga Peninsula Region nga si Ka Adan Sindapan, ginapiniguro niini nga dili ang ilang grupo ang naghimo sa pagpangdaob tungod kay ang NPA usa ka hugot sentralisado nga organisasyon.
Ang tanang plano-militar sa nahaubos nga mga yunit ug teritoryo adunay tin-awng pagtugot sa nahataas nga mga kamandoan.
Walay bug-at usab nga atraso si Boboy Gallo, tag-iya sa gisunog nga SSG bus ug usa ka operator sa ubang yunit sa pamasaheroan nga nagbase sa Liloy.
Wala siya’y dakung utang ngadto sa rebolusyonaryong kalihokan sa miagi ug kasamtangan.
Busa dakung hinangal ug ang NPA dili hungog ang pamalanse nga mosilot ni bisan kinsa.
Samtang padayon usab ang gihimong imbistigasyon sa Salug PNP aron mailhan ug matumbok ang mga responsible sa pagpangsunog sa pampasaherong Bus.
