Gilunsad na sa Lanao del Norte Police Provincial Office o PPO ang Recovery and Wellness Program kon RWP alayon sa PNP PATROL PLAN 2030.
Mokabat sa 31 ka mga drug respondents gikan sa lima ka munisipyo sa probinsya diin lakip niini ang Kapatagan, Lala, Baroy, Tubod ug Kolambugan ang mipaubos sa maong programa.
Tema sa kalihukan ang “A change for a Lifetime”.
Matud ni SPO2 Hendrick Abao Tesoro, PCR PNCO sa Lanao del Norte PPO nga ang PPO sa Lanao del Norte maoy pinakaunang PPO sa Police Regional Office 10 nga nihimo sa PNP RWP.
Tumong niining suportahan ang programa ni Presidente Duterte aron masumpo ang tanang klase sa illegal nga druga sa nasud alayon sa direktiba gikan sa Higher Headquarters.
Ang Recovery and Wellness Program molungtad sa 27 ka adlaw nga nagtumong usab nga matabangan ang mga respondents nga makasugod og bag-ong kinabuhi nga luwas sa druga.
