Sarangani Province—Paimbestigahan karon sa kapulisan sa Alabel kung kinsa ang recruiter sa duha ka menor edad nga nahimong hostage sa mga teroristang Maute sa Marawi City.
Kini gibutyag ni Police Chief Inspector Benjie Ancheta- hepe sa Alabel Municipal Police Station. Kahibaluan nga narescue sa tropa sa militar gikan sa main battle area sa Marawi ang duha ka mga menor de edad nga sila si alyas Ara, 14 anyos ug alyas Marica, 15 anyos nga puros taga Brgy Pag-asa Alabel Sarangani province.
Gimando sa mga opisyal ang pagpangita sa mga recruiter aron nga ilang pasakaan ug kasong illegal recruitment ug paglapas sa Republic Act 7610 kun Child Abuse. Una nang nasayran nga nakauli na sa ilang pamilya sa Alabel ang duha ka mga bata gikan sa CSWD Iligal City human gikuha sa mga social worker ug kapulisan sa Alabel.
Sa pagkakaron gipaabot pa sa womens and childrenās desk sa Alabel ang resulta sa medical examination tali sa duh ka mga bata nga matud ba gikunsumo sa mga Maute terror group samtang gihimo silang hostage sa gyera. (Emir Bariquit)
