General Santos City–girekomenda ni Gensan City Councilor Lourdes Casabuena nga dapat kasuhan ang agency ni Veronica Benarao, ang OFW nga namatay sa Riyadh human nga nakuyapan ug nahagbong sa hagdanan sa balay nga gitrabahuan niini.
Gikwestyon sa konsehal nganong wala na monitor sa agency ang kahimtang sa nasangpit hilabi na sa pag expire sa kontrata niini sa iyang amo.
Nasayran nga dapat bulan pa sa Disbyembre sa nakalabayng tuig nahuman na ang kontrata ni Veronica apan wala kini gitugutan sa iyang amo nga makauli. sukad nahuman ang kontrata sa nahisgutan wala nay gidawatannga sweldo ang nasangpit nga OFW apan hilabihan ang trabaho.
Alang kang Casabuena nga duna gyoy tulubagon niini ang recruitment agency ni Veronica gumikan dapat sila sayod kung kanus-a mahuman ang kontrata sa ilang mga workers nga ginapadala sa ubang nasud.
