Davao City – Walay namonitor karon nga kalihukan sa rebeldeng pundok ang militar may kalabutan sa ‘Red October Plot’ kun ang pag wagtang kang Pangulong Rodrigo Duterte sa iyang katungdanan.
Sa interbyu kang 10th Infantry Division Spokesperson Capt. Jerry Lamosao, gitataw niini nga ubay-ubay ang nitahan nga mga rebelde ug mipili nga mubalik sa panig sa gobyerno gani wala nahinayon ang planong rally sa maong grupo sa milabay nga semana.
“The number of surrenderees is very overwhelming hain ang ilang intent last time, Sept 21, nga gusto sila mag mash-up og mga rallyist wala na natuman tungod kay ang dating mga miyembro sa civil underground mass organization niabot sa 6,000 ka mga miyembro niini ni-reaffirm sa allegiance sa government,” segun niini.
Dugang sa tigpamaba sa 10ID nga ang tumong sa maong plano mao ang pagmugna og sunod-sunod nga rally aron mapababa ang pangulo sa nasud.
“Sukad pa sa pagkahimugso sa CPP-NPA-NDF kana ilang plot against the government or kinsa man ang seating sa government plano na gyod na nila,” matud niini.
Hinoon, gipaniguro ni Lamosao nga nagapadayon ilang hugot nga information gathering bahin sa mga ginagmay nga lihok aron kini mapugngan.
RadyoMaN Jason Amisola
