Referee sang NOPSSCEA ginsumbag sang basketball assistant coach

BACOLOD CITY – Nagreklamo ang isa ka referee nga ini siya ang ginsumbag sang assistant coach sang basketball team sang STI-West Negros University sa sulod mismo sang gym may mga las 6:15 kagab-i.

Ang tag-reklamo ginkilala kay Rammelson Sinag, 32 anyos, pumuluyo sang Brgy. Sum-ag, Bacolod City, assigned nga referee sang Negros Occidental Private Schools Sports Cultural Educational Association ukon NOPSSCEA.

Samtang, ang ginareklamo naman amo si Joebert Pastias, legal ang edad, residente sang Galo BBB, Brgy. 23, Bacolod City kag assistant coach sang STI-WNU.


Suno kay Sinag nga pagkatapos ginpatigayon ang final game kagab-i, nakibot na lamang siya sang hinali ini nga ginsumbag kag naigo gid sa iya wala nga nalunggan.

Bangud sini, nagpadulong sa Police Station 4 ang amo nga referee para ipa-record ang natabo nga pagsumbag sa iya sang assistant coach./dyHB BACOLOD

Facebook Comments