Gikataho sa Commission on Population kon POPCOM rehiyon 10 nga padayon ang pagtaas sa kaso sa teegange pregnancy sa Northern Mindanao.
Sa interview sa RMN ngadto kang POPCOM 10 Regional Director Jerry Gupit, gibutyag niini nga ikaduha ang rehiyon 10 sa tibook nasud sa Pilipinas nga adunay pinakataas nga natalang ihap sa teenage pregnancy nga adunay 14.7%.
Sigun ni Director Gupit nga nag-una ang Davao Region nga adunay 17.2%.
Sigun ni Gupit nga dili pa lamang dugay nakakuha siya ug insaktong ihap sa mga bata pa nga nanganak sugod kaniadtong bulan sa Enero hangtod sa tunga-tunga sa Hunyo ning tuiga, aduna nay 4, 336 ka teenage deliveries.
Nakuha matud pa nila ang mao nga datus tungod kay gi-awhag sa Department of Health kon DOH ug sa taga Rural Health Unit nga didto gayod manganak sa mga delivery facilities.
Giklasipika nga teenage deliveries sa Philippine Statistics Authority kon PSA ang mga nag-edad ug 14 hangtod 19 anyos.
Gidugang pa ni Dir. Gupit nga aduna silay nakuha nga datus duha ka tuig na ang nakalabay nga 9 anyos pa lang nahimo nang usa ka inahan ug karong tuiga natala nila ang 12 anyos nga nahimo nang usa ka nanay.
