Gihupay sa Department of Agriculture kon DA region 10 ang publiko kalabot sa negatibo sa African Swine Fever.
Sa interview sa RMN Malaybalay ngadto kang Juliet Araos, ang hepe sa DA 10 Regulatory Division gibutyag niini nga nga pabiling luwas ang mga baboy sa rehiyon 10 gikan sa ASF.
Kini bisan nga daghang kanasuran na sa Asya ug Uropa ang nasudlan sa maong sakit diin apektado ang pork importation nila ngadto sa ubang mga lugar sa kalibutan.
Sigun niya nga walay kabalhinan sa presyo ug produksyon sa mga karneng baboy sa kamerkaduhan.
Matud ni Araos nga nakahan-ay usab ang ilang mga measures batok sa pagsulod sa ASF apan bisan pa man niini kinahanglan pa gihapong dili magkumpiyansa.
Gidugang ni Araos nga hugot ang ilang pagbantay sa mga entry points sama sa airport, pier, seaport ug international airports ug napahigayon usab sila ug farmers education ug information dissemination.
Nakiglambigit usab sila sa ubang pang ahensya para dinhi.
Nasayran nga adunay mga imports nga mga karneng baboy dinhi sa rehiyon ug nag-export usab ang northern Mindanao ug mga karne sa ubang probinsya sama sa Cebu.
Gisiguro usab ni Araos nga istrikto sila sa mga papeles, inspection ug evaluation alang sa mga importation ug exportation.
