Region XI winners sa Model OFW Family of the Year gipasidunggan’

Davao City-Napili kagahapong adlawa ang duha ka mga mananaog sa Davao Region sa Model OFW Family of the Year Awards o MOFYA 2017.

Segun ni Overseas Worker Welfare Administration XI Director Eduardo Bellido nga ang MOFYA 2017 usa ka pasidungog para ngadto sa mga pamilyang OFW nga nahimong ehemplo ug inspirasyon tungod kay nagmalampuson sila sa pagpabiling lig-on isip usa ka pamilya bisan kun layo sila matag usa sulod sa pila ka tuig nga pagpanarbaho didto sa abroad.

Ang pamilya ni Radiya Bergado Mustapa nga taga Babon, Mati City, Davao Oriental ug pamilya ni Engr. Remegildo Mamon Banderado nga taga Davao City maoy mga mananog sa land based ug sea based category ug sila maoy mu-compete para sa national nga kumpetistyon sa MOFYA karong Nobyembre ning tuiga.


Gisaysay ni Radiya Mustapa nga kinahanglang andam gayud ang imong kaulingon kung mudesisyon nga mu-abroad.

Ang kanunayng komunikasyon, pagsalig ngadto sa iyang bana ug dakong pagtoo niya sa ilang Diyos nga si Allah ang iyang sekreto nga hangtud karon lig-on ug kumpleto gihapon ang iyang pamilya.

Kasamang Aimee Guinita

Facebook Comments