Davao City-Priso na karon sa kapolisan sa Sta.Ana ang duha ka lalaking nanglabni og cellphone sakay sa motorsiklo human nabangga ang ilang gisakyan sa laing motorsiklo sa Agdao syudad sa Davao.
Base sa record sa Sta.Ana Police Station ang mga dinakpan mao sila si William Forcadilla Pedarse, 26 anyos ug Raffy Mandan Delator, 22 anyos, pulos nagpuyo sa Tibungco Relocation ning syudad.
Matud sa biktima nga si Asmim Macapoli Dampac, 18 anyos, estudyante nga taga-Bankerohan ning dakbayan, samtang naglakaw kini sa flyover sa Agdao kalit gilabni sa duha ka suspect ang iyang cellphone nga nagsakay sa motorsiklo apan dimalas lang kay nabangga kini sa laing motorsiklo hinungdang natumba ang mga suspek nga miresulta sa ilang pagkasikop human nagpakitabang ang biktima sa katawhan sa palibot.
Mga dinakpan pasakaan og kasong robbery sa kapolisan sa Sta.Ana.
Kasamang Paul Canono
